wtorek, 31 sierpnia 2010
Od ahmyda jeszcze pora słów!

Niy długo było mi dane cieszyć się wolnością na penzyji. Musza jednak napisać pora słów bo pora osób zapomniało jako jest główno intencja bloga. Otóż zawsze mioł łon dostarczać rozrywki poprzez moje prymitywne poczucie humoru. W żartobliwym tonie był również utrzymany "wywiad", kerym oficjalnie zakończyłch działalność bloga. Znajomi oraz fanatycy Okryntu KSP uznali moja IRONIA, że boja się o własne zycie za całkiem zabawno. Niystety w ostatnim czasie pojawiło się kilka powazniyjszych notek i to zmyliło czujność innych czytelników. Faktem jest, że kierownik Don Vito roztaczo wizje jak to "daje mi w morda" a pod katowickim spodkiem to podobno kilku chopa ledwo go utrzymało. Natomiast od słów do czynów zazwyczaj daleko droga szczególnie w tym indywidualnym przypadku. Niy ujmując nic włodarzowi Okryntu KSP cza dodać, że to je człowiek słowny i rzeczowy. Np godoł, ze kożdy bydzie mógł spokojnie odejść z Okryntu jeśli bydzie mioł jakieś propozycje. No i kożdy mógł pod warunkiem uiszczenio odpowiednij (zwanyj tyż zaporową) kwoty. Poza tym przelewając litry potu i trocha krwi na macie zapaśniczyj chorzowskiygo AKSu myśla, że jest żech przygotowany na tako sytuacja. Mom tero indywidualne treningi, kere polegają na tym, że stoja a trener dowo mi w morda przez półtoryj godziny, przygotowując mnie do ewentualnygo wymierzenio kary przez Kierownika Witolda. Niy wiym czy dom rada bo jak głosi prasłowiańsko lygynda, jeśli ktoś przeżyje dwa liście od Don Vita otrzymo od niygo mapa, z drogą do "Bursztynowyj Komnaty" ukrytyj przez hitlerowców. Śmiałków było podobno wielu ale ino jedyn przeżył. Niystety niy mógł odebrać nagrody bo go sparaliżowało od czoła w dół. Podsumowując miło wiedzieć, że ludzie wciąż mają ochota włazić na net i czytać "pierdoły", kere wspólnie z redakcyjom tam wciepuja. Niystety brak czasu, 3 w karierze uczelnia (planuja ja ukończyć co by mieć skuteczność na poziomie 66%) i wspomniane treningi niy pozwolą mi nawyt łazić na szpile w tym sezonie. A niy zamierzom pisać relacyji jak pewien "dziennikarz" lokalnyj gazety, kere na szpile niy łaził ale zawsze znolozł czas żeby coś napisać. Dziynkuja za słowa otuchy a także anoniymowygo mejla z rekomendacją i numerem do znanygo w półświatku killera. Mom nadzieja, że ktoś o Pogoni bydzie pisoł i że w internecie i pamięci ludzi tyn klub niy umrze. A jak dostana w końcu "w morda" to wtedy zamieszcza fotki i relacyjo na blogu! I to na tyla w nadchodzącym sezonie. Żałuja, bo pisanie tukej leczyło mój kompleks niy zostanio dziennikarzem sportowym. No cóż, wyśla jeszcze CV do "Faktu" na ćwierć etatu może się udo. Pozdrawiom Piotra Szeleszczuka i Pana Ceglińskiego, kerzy mi zaimponowali i wykazali prawdziwo troska o losy bloga! Niystety (abo i stety) WY jesteście dziennikarzami a jo kibicem amatorem i niy jest żech w stanie wszystkiygo pogodzić. Ale jeszcze się spotkomy bo wierza w reinkarnacjo! A teroz blog uważom za OFICJALNIE ZAMKNIYNTY!

 

PS. Sorry Kurian, wiym żeś napisoł poprzednio, że to już łostatnio notka a tu psikus. Sorry!

poniedziałek, 30 sierpnia 2010
Łostatni roz!

To już łostatni wpis na blogu. Dzisioj redakcyjo jednogłośnie podjęła decyzjo o zaprzestaniu swoij działalności, a co za tym idzie zamknięciu tyj skromnyj zajty. O powodach tyj decyzji idzie przeczytać w poniższym wywadzie, kerygo udzielił naczelny bloga czyli ahmyd.

Redakcyjo: Piyrwsze i nojważniyjsze pytanie - skąd ta nagło i niyoczekiwano decyzjo?

Ahmyd: Są dwa główne powody. Piyrwszy, mniyj ważny, to po prostu brak czasu. Szkoła, praca i treningi niy pozwalają na uważne śledzenie poczynań Orzełów i wszystkiygo co z nimi związane. Niystety redakcyjo niy osiągała łostatnio dodatniygo bilansu w swoim skromnym budżecie, wiync cza było się chycić uczciwyj roboty. Do tygo dołazi bogato kariera naukowo (w 4 lata ukończone dwa kierunki, w tym jedyn w rok!) i wspomniane treningi, co powoduje, że niy mom czasu nadzorować pracy redakcyji i somemu pisać. A niy chca robić niczygo na siła.

R: To teroz może powiydz coś o tym ważniyjszym powodzie.

A: Tyn powód to strach o własne zdrowie i życie. Powszechnie wiadomo, że kierownik Don Vito od dawna zapowiado rozliczenie się ze mną. W rozliczeniu tym zamierzo postawić na rozwiązania prymitywne lecz skuteczne czyli siłowe. A kożdymu fanatykowi Okryntu KSP dobrze znano jest ballada i baśń o Niyposkromionym Vitku i Mocarnym Liściu. Dla tych, kerzy jeszczy o niyj niy słyszeli (o ile tacy w ogóle są) w skrócie przybliża to opowieść, kero lansuje som zainteresowany. Don Vito a.k.a. Kapitan Winczenzo to człowiek wrażliwy i dobrze wychowany. Wiy ło tym kożdy, kto mioł okazjo z nim współpracować jak choćby Pyjter "Kapelan" Krupa. Chamstwa niy zniesie oraz brzydzi się niskim poziomem kultury osobistyj. Doł tymu wyraz pewnygo dnia, w kerym jakiś niyokrzesany cham i prymityw odwrócił się do niygo plecami w czasie rozmowy. Don Vito musioł zareagować i sprzedoł mu kulturalnygo i Mocarnygo Liścia, po kerym ów prymityw rozmazoł się na ścianie jak ciepnięto karminadla. Od tyj pory podobno nikt już do niygo niy odwrócił się plecami.

R: W jakim stopniu to zagrożenie było realne?

A: W nojwyższym. Don Vito znony jest z tygo, że nie rzuco słów na wiatr, np niy blokuje transferów zawodników. A jo mom 23 lata, marno (ale zawsze jakoś) przyszłość przed sobą i niy zamierzom ryzykować. Tym bardzij, że Kapitan Vinczenzo niy roz, niy dwa zapowiadoł, "że mi ciu**ie" (plus kilka innych wyrazów określających danie w morda). Niy zamierzom ryzykować bo już teroż żyja w strachu i boja się iść do hasioka śmieci wyciepnąć. Roz podobno cudem uniknąłch śmierci, włażąc na szpil reprezentacji w katowickim Spodku.

R: Czyli rozumiemy, że ta decyjzjo jest już niyodwołalno?

A: Jak nojbardzij!

R: A niy było czasem tak, że brakło Ci już pomysłów na dalsze funkcjonowanie bloga?

A: Zdecydowanie niy! Moja łeb dur je pełno pomysłów a tych na zbliżający się sezon była cało masa. Ale, że wyszło jak wyszło to pozostaną łone niy zrealizowane w moij łebie.

R: To może powiysz coś więcyj o tych pomysłach?

A: Niy zamierzom, bo nigdy nikt niy wi jak się życie potoczy i jo abo ktoś inny bydzie mógł z nich skorzystać.

R: Sugerujesz, że blog moge powrócić do życio?

A: W nojbliższym czasie pewnie niy. Ale za rok, dwa może znów nadarzy się okazjo abo przypomnieć ludziom, że Okrynt KSP pływo po drugo...lub trzecioligowych wodach i jest faworytem większości spotkań.

R: A jako przyszłość widzisz dla Okryntu KSP?

A: Tygo tak naprowdy niy wiy nikt. Odeszło poru Orzełów a przynajmniyj jeszcze 2 czy 3 pitło by jakby ino mieli tako możliwość. Kożdy wiy co stanęło na przeszkodzie. O tym, że Pogoń jest na samym dnie nojlepij świadczy fakt rezygnacji ze szpilanio w czorno koszykówa Buły i Jara. Podobne sytuacje nikaj niy powinny mieć miejsca. Niystety dopóki Okrynt KSP to bydzie prywatny folwark dwóch prezesów "kerzy niy mają czasu" i Don Vita bydzie to tak wyglądać jak do tyj pory. Wiele spraw i rzeczy nigdy niy ujrzało światła dziennego choć powinno. Jak choćby sprawa Pyjtra "Kapelana" Krupy i jego odejścia z Okryntu KSP. W tym całym zamieszaniu niy łazi ino o niywydanie listu czystości. Oczywiście pewne osoby niy mają sobie nic do zarzucenio. Szkoda, że nigdy niy znolozł się poważny sponsor bo ktoś taki, widząc co się sam wyrabio, rozgoniłby to towarzystwo. A tak momy co momy. Myśla, że utrzymanie jest w zasięgu ręki bo chopcy, kerzy wciąż są na pokładzie, mają umiejętności i szanso pokazanio się. Podsumowując sposób zarządzanio i funkcjonowanio Okryntu KSP mógłby reprezentować cały marazm polskiyj koszykówy, kero obecnie znajduję sie na somym dnie.

R: Na koniec mogesz dodać coś łod siebie.

A: Dziynki. Chciołbych podziynkować wszystkim tym, kerzy pomogali redakcji w pisaniu i tworzeniu bloga. Także Orzełom, kerzy przeca byli sam głównymi bohaterami. Szczególne podziękowanio należą się Stolorzowi i Cornymu Judaszowi, kerzy zdecydowali się wystąpić w jedynych dwóch łodcinkach KSP Cribs. Tomkowi Stefanikowi za fotki, kere zawsze chętnie robił i udostępnioł. Dziękuja także kożdymu kto głosowoł na nos w plebiscycie na Koszykarski Blog Roku 2009. Przyczyniło się to do większyj ilości wejści i zwiększenio popularności Okryntu KSP. Wszystkim tym, kerzy czytali i wpisywali się w komentach oraz łazili na szpile. Kurianowi za odnośniki na jego zajcie. Jakubowi Wojczyńskiemu za nosz malutki banner na polskimkoszu. To dziynki niymu kożdy w kraju wiedzioł kiedy wciepna jakoś pierdoła na net. Piotrowi Szeleszczukowi za pora miłych słów na serwisie S&M. Mom nadzieja, że choć pora osób przypomniało się o naszyj Pogoni. Fajnie, że blog dzięki ww. poszoł w kraj i Ci, kerzy niy mają w żici cornyj koszykówy, na takim poziomie, mogli ło nos przeczytać. Fajnie było się dowiedzieć, że jedyn z członków PZKosz czytuje nos dość regularnie. A jeśli choć jedna osoba przylazła na szpil po przeczytaniu bloga to czuja, że się udało. Niy żałuja niczego co żech napisoł a jedynie tygo czego żech niy zrobił. Ale może kiedyś...!

R: Dziynki za wywiad.

A: Dziynki!

niedziela, 29 sierpnia 2010
Dupny sparing!

 

52:65

Okrynt KSP        AZS AWF Katowice

 

W piątek nosze Orzeły szpilały piyrwszy sparing, w nowym, mocno odmłodzonym składzie. Noszym przeciwnikiem był AWF Katowice, o sile kerygo stanowią byłe Orzeły i Judasze Okryntu KSP! Ku uciesze FANów, redakcyjo niy mogła się stawić na hali. Nojwiynkszy FAN Pogoni niy mógł zatym spełnić swojego marzenio, o kerym informuje wszystkich ino nie redakcyjo, czyli "przypierd***nio tymu z zielonym aparacikiem w ryj". Niy ma obaw szans bydzie jeszcze sporo w tym sezonie! Wracając do szpila, podstawowo piątka stworzyli:

Daniel "Perełka" Kubista
Bartosz "Stolorz" Stawowski
Kuba "Gruth" Gruth
Tomasz "Wesoły Masorz" Stankala
Rafał "Kiki" Stolorek

Na ławce rezerwowyj zasiedli: Tomasz "Patyn" Patyna, Kamil "Wiosna" Lato, Kłosek i...reszta zacytujemy bo narazie są to dla zagranicznych mediów nazwiska anonimowe: "Zgodzaj, Łapot i jeszcze jakiś dwóch". Pewnie o tych ostatnich niydługo jeszcze usłyszemy! Brakło Schludnego Przemka, Dawida "Dawida" Kuczery i Sugar Domina. O przebiegu szpila niy mogemy za dużo padać ale wynik sugeruje, że je potencjał w tyj drużynie a walka o awans wydowo się całkiem realno!

piątek, 20 sierpnia 2010
A Orzełów coroz mniyj...


fot. Rafał Kurianowicz

Kolyjny z Orzełow niy zgodził się na warunki jakie zaproponowoł mu Zarząd Okryntu KSP i w tyj chwili je wolnym zawodnikiem. Jarosław "Jaro" Kolenda już próbowoł swoich sił na tournee po kraju przed zeszłym sezonym ale na drodze stowała kasa jako cza z niygo wybulić. Chop z potencjałem na szpilanie w pierwszyj lidze a z czasym i w ekstraklasie. Niystety wykupienie go z Okryntu KSP wiąże się z naprowdy dużym wydatkiem (jak na krajowe warunki). Jak som padoł niy kończy z czorną koszykówą definitywnie. Niy zoboczemy go jednak w przyszłym sezonie "walczącego o wyższe cele w naszej Pogoni". Czas pokoże czy w ogóle jeszcze go zoboczemy na linii rzutów osobistych!

Na dzień dzisiejszy skład Okryntu KSP to:
Domino "Benzin" Goczok
Rafał "Kiki" Stolarek
Tomasz "Patyn" Patyna
Daniel "Gałczo" Kubista
Przemysław "Przemo" Tomecki
Dawid "Dawid" Kuczera (?)
Tomasz "Wesoły Masorz" Stankala
Bartosz "Stolorz" Stawowski
Kuba "Gruth" Gruth

Trenery i działacze:
Kołcz Poznański
Kołcz Carbon
Don Vito
Prezesi Ditrich&Maślana
Doktór Maser (?)

To tyla jeśli łazi o wyrobników, kerzy pojawiali się na parkiecie w zeszłym sezonie. Pod znakiem zapytanio stoi ciągle szpilanie Dawida "Dawida" Kuczery. Jest jednak iskierka nadziei! Jak co roku momy walczyć o awans! Zoboczemy, może bydmy cornym kuniem rozgrywek.

środa, 18 sierpnia 2010
Porucznik Bułewicz - historyjo prowdziwo!

Zgodnie z obietnicą wciepujemy na noszo pseudo zajta ( kero służy głównie tymu aby "redakcjo mogła się dowartościować") wywiad, kerygo udzieloł nom Szymon "Buła" Żymła zwany dalij Porucznikiem Bułewiczem. Zapraszomy do lektury, a wszystkich "FANów" do komentowanio!

 

Redakcyjo: Witomy byłygo Orzeła Okryntu KSP.

Porucznik Bułewicz: Witom!

R: Jak powszechnie wiadomo postanowił żeś zakończyć kariera. Powiydz coś o powodach tyj druzgocącyj dla większości fanatyków decyzji.

PB: Niestety to jest prowda. Decyzjo ta nie była prosto ale mimo wszystko najlepszo, jako żech mógł podjąć. Jak można było przeczytać na blogu staroł żech się o angaż do innych klubów, kere o dziwo, po nieudanym sezonie były zainteresowane moją lewą ręką. Pod koniec lipca okozało się, że kwota, keryj zażądało kierownictwo jest "odrobinkę" za wysoko i łatwiyj im bydzie sprowadzić kogoś, kto niy mo problemów w swoim klubie. W Pogoni mógł żech spokojnie grać dalij ale niestety mom już swoje lata i musiołch się zastanowić czy jest to dobro opcja dla mnie samego. Niekerzy mogą teroz pomyśleć, żech groł ino do kasy. Zaskocza wszystkich...tak nie było! Szpilanie sprawiało mi nojwiększo radość, niestety wraz z zerwaniem stypendiów skończyło się celebrycki życie a że kożdy mo swoje wydatki, musiołch podjąć decyzjo o rozstaniu się z koszykówką "zawodową".

R: Mogesz zdradzić jako kwota musiołby wyłożyć klub, kery by Cie chcioł wypożyczyć?

PB: Za wypożyczenie 6 tyś.

R: Wydowo się sporo chociaż patrząc z drugij strony byłś oczkiem w gowie Kołcza i Don Vita, zaro po Gałczu, Przemie, Skórze, (...) Chrząszczu i Modrzyńskim. Zastanawiosz się czemu akurat tako kwota?

PB: Prawdopodobnie żeby zniechęcić inne kluby. A oprócz tego pieniądze te miały być przeznaczone na Orzełów w nadchodzącym sezonie.

R: Wracając do piyrwszego pytanio: co mosz na myśli mówiąc "zawodowo"? Mogesz zdradzićszczegóły lukratywnego kontraktu, kery Ci zaproponowano?

PB: Dla mnie zawodowo koszykówa zaczyno się wtedy gdy traktuje się swoich zawodników jak poważnych ludzi i przedstawio się im konkrety. Jeśli chodzi o pieniądze to zapropnowano mi kwota 300 zł miesięcznie z możliwością wskocznio na "poziom wyżyj" pod warunkiem lepszyj gry niż inny Orzeł z wyższym wynagrodzeniem.

R: Czyli żeby zarabiać wiencyj musiołbyś wykludzić z tygo poziomu kogoś innygo. Ciekawy system budowanio atmosfery w drużynie. Powiydz co teroz robisz lub zamierzosz robić w nojbliższyj przyszłości ? Rozważosz jeszcze powrót do czornyj koszykówy ?

PB: Zgadzo się...co do moij przyszłości to zamierzom w końcu zająć się moją karierą naukową i jakoś wypełnić czas, w kerym normalnie bych łaził na treniole. Jeśli łazi o powrót do czornygo szpilanio to myśla, że za wcześnie żeby o tym godać ale jeśli pojawiłaby się jakoś opcja to czemu nie ? Na pewno nie przestana grać bo za bardzo kochom tyn sport ale teroz byda to robił jedynie w wersji rekreacyjnyj.

R: A teroz pytanie, kere sni się po nocach kożdymu fanatykowi Okryntu KSP: co byś zrobił jakby Ci wrazili lewo rynka w gips na dwa miesiące ?

PB: Myśla, ze to by była moja nojwiększo życiowo porażka, bo samodzielnie nie byłbych w stanie zrobić nic!

R: I na koniec jak mosz ochota mogesz dodać coś łod siebie.

PB: Na koniec chciołbych podziękować za te wszystkie lata szpilanio w koszykówa. Moim piyrwszym trenerem był Franciszek Bodył, kery nauczył mnie podstaw koszykówy i wspominoł mi, że cza też używać prawyj rynki. Niestety nie miołch w sobie na tyla samozaprcio żeby ja trenować. Trenerowi Ryszardowi Poznańskiemu, bo to dzięki niemu zrobiłch nojwiększy postęp w swoij karierze. Na som koniec drużynie Orzełów, kero jest jedyno w swoim rodzaju i nie ma takij drugij na świecie. Mom dużo miłych wspomnień, kerych nie zapomna do końca życio i zawsze się byda chwolił żech należoł do "Orzełów".

R: Dziynki za ta wzruszająco końcówka i cały wywiad. Redakcyjo życzy Ci gibkiygo powrotu do szpilanio w czorno koszykówa!

PB: Dziękuja.

 

wtorek, 10 sierpnia 2010
Kolyjnygo Orzeła mnij...

Z dniem dzisiejszym kariera postanowił zakończyć Szymon "Buła" Żymła a.k.a "Porucznik Bułewicz". Powodem tyj decyzji jest trudno sytuacja Okryntu KSP, oraz żenujący kontrakt jaki zostoł mu zaproponowany. Szymon walczył o angaż w Jaworznie oraz GTK Gliwice, jednak zapomnioł jak ważnym i cenionym Orzełem jest w oczach Kołcza Poznańskiego i Don Vita. Tyn drugi zrobił wszystko aby go zatrzymać i ustawił cena zaporowo za jego wypożycznie a także przedstawił mu lukaratywny kontrakt, kery był jednym z wyższych na pokładzie i niy opiewoł na 100 zł miesięcznie! Dokładnij o powodach i kulisach tyj decyzji a także tym co Buła zamierzo robić dalij bydzie szło przeczytać już niydługo w wywiadzie z tym znonym Orzełem. Podobno pod hala fanatyki postawiły dmuchany pomnik Szymona i zamierzają przy nim czuwać 24 godziny na doba. Na facebooku i naszyj-klasie zebrała się już mało grupka ludzi, kerzy chcą usunięcio pomnika spod hali, przewodniczy im niyjaki "buttermilk". Zapowiadoł, że na manifestacji mo się stawić od 2 do 3 osób i bydom domagać się usunięcio gumowygo Żymloka i przeniesienio go na hasiok. Realcyjo z tyj manifestacji mo przeprowadzić Sfera TV. Jak niy bydzie wolnyj kamery na magazynie to pokożą co innygo i podpiszą, że to właśnie ta manifestacyjo, tak jak to bywało ze szpilami Okryntu KSP.

Od redakcyji: Przykro sprawa, że Szymon zakończoł kariera. 11 lot trenowanio (wliczając 2 lata niedociepywanio balem do kosza przy laubie) to jest coś z czego cięzko zrezygnować. Ale przyszoł chyba już taki okres kaj trzeba było podjąć męsko decyzjo i tako właśnie podjął. Szacunek do niygo, a tym kerzy padają, że jak kochoł czorno koszykówa to mógł grać za gratulujemy rozeznanio w realiach i poczucio humoru. Warto tyż zwrócić uwaga na kolekcjonersko fotka, na keryj Porucznik Bułewicz używo prowyj rynki! Ta sytuacjo jest tak szokująco, że Piotr "Pustel" Pustelnik (lygynda Okryntu KSP) woloł zamknąć łoczy i na to niy patrzeć!

niedziela, 08 sierpnia 2010
Okrynt zaś wypływo z portu!


fot. www.pogonprudnik.vgh.pl

Od poniedziałku ruszyły przygotowania Orzełów do nowygo sezonu bo jest już pewne, że ruszemy i to z pełnyj piz...z grubyj ruły! Na gra zdecydowało się już kilku doświadczonych Orzełów jak Daniel "Gałczo" Kubista, Tomek "Patyn" Patyna, Rafał "Kiki" Stolarek, Przemysław "Przemo" tomecki czy tyż Domino "NRZ" a.k.a "Benzin" Goczok. Wciąż niyjasno jest przyszłość Dawida "Dawida" Kuczery (podobno wstępnie wyraził chęć szpilanio na nojwyższym drugoligowym poziomie) oraz Jarosława "Jara" Kolendy. Szymon "Buła" Żymła także jeszczy niy zdecydowoł o swoij przyszłości po tym jak wszystkie próby umieszczenio swoij osoby w jakimkolwiek inkszym klubie zakończyły się spektakularną klęską. Niy ma się jednak co dziwić niy kożdygo stać na zapłacenie 6 tys (roczne wypożyczenie), kery w dodatku mo ino jedno rynka!

Don Vito, kery oprócz bycio Donem jest tyż prawą rynką prezesów Ditricha i Maślany Okryntu KSP zadboł o lukratywne kontrakty a także wzmocnienio. Jak donosi Zbych, kery prowadzi swoja stronka SKM do Pogoni dołączył Paweł Makowiecki. Czy to je pewne info tygo redakcyjo niy wi. W kożdym razie na wszelki wypadek przybliżymy sylwetka tygo modygo wyrobnika. W zeszłym sezonie reprezentowoł Pogoń Prudnik, w keryj zagroł 3 szpile notując średnio 2 pkt i eval 3.0. Statystyki te oraz wzrost 194 sprowiają, że po odejściu Cornygo Judasza bydzie świetnym zmiennikiem do Domina "AK-47" Goczoka. Synek mo ambicja gdyż, jako student katowickiego AWF, zrezygnowoł z darmowygo miejsca w akademiku i taniygo żarcio na stołówce a zdecydowoł się na szpilanie o wyższe cele w noszyj Pogoni! Niy to co kiedyś Cela i Kuba Hirsz a obecnie Corny Judasz Kamil "Mundek" Nowak i Orzeł Jurczyński! Jeśli jego wejście na pokład Okryntu KSP się potwierdzi bydmy mu się bacznie przyglądać a także życzemy samych sukcesów!

PS. Kołcz Poznański również zdecydowoł się na prowadzenie Orzełów w nadchodzącym sezonie. Podobnie uczynił szpiller nojwiynkszego kalibru, zawodnik wagi ciężkij Tomek "Wesoły Masorz" Stankala!

Edycjo: Paweł Małkowski niy zdecydowoł się jednak na szpilanie o nojwyższe cele w noszyj Pogoni. Darmowy plac w akademiku i tanie obiady na stołówce były lepszą perspektywą. To powinna być przestroga do Kuriana, żeby niy podowoł u siebie informacji zamieszczonych u nos, bo redakcyjo działo tak jak nowoczesne media (Fakt, SuperExpress itp): podowomy kożdo, nawyt najmniyj prawdopodobno informacja, licząc, że bydzie prowdziwo! Na pozycjo nr 3 momy zatym ino jednygo doświadczonygo Orzeła, kerym jest Domino "Benzin" Goczok!

środa, 28 lipca 2010
Głos z góry!

Zbyszek, znony z prowadzenio swojego serwisu SKM, zdołoł przeprowadzić wywiad z prezesami Ditrichem i Maślaną. Redakcyjo niy zamierzo nic komentować ani dodować od siebie. Kożdy wyciągnie som wnioski, a jak ktoś się chce nimi podzielić to można to zrobić w komentarzach.

sobota, 24 lipca 2010
Transferowy zawrót głowy!

Na prośba fanatyków, redakcyjo uporządkowała poczynania Okryntu KSP na rynku transferowym!

 

Ps. Oczywiście korekta, kero pobiero z redakcyjnyj kasy 3.70 brutto za godzina niy umi się wywiązac z powierzonych za cięzko kasa obowiązków i wkrodł się błąd. Niy Kamil a Paweł Kłosek. Przepraszomy zagraniczne media i samygo zainteresowanygo!

środa, 21 lipca 2010
" De Decyzyjo"

Stało się! Michał "Baton" Batorski podczas oficjalnygo show na ESPN poinformowoł fanatyków, kaj zamierzo szpilać w przyszłym sezonie! Wybór podł na Alba Chorzów kaj dołączy do takich takich zawodników jak Tomasz "MVP" Paterek oraz Daniel "mało znany i mało lubiany" Pełka. Show, w kerym Michał ogłosił ta ważno do krajowygo basketu decyzjo cieszył się rekordowym zainteresowaniem fanów czornyj koszykówy. Już na tydzień przed emisją na lokalnych targowiskach brakło pirackich dekoderów a sieci kablowe zanotowały rekordowo liczba niylegalnych podłączeń do ich kabli i skrzynek! Zaroz po zakończeniu transmisji na ulice Rudy Ślaskij wyległy tłumy niyzadowolonych fanatyków, kerzy polili treski z nazwiskiem popularnygo Batona. Ze ścian bloków zniknęły także podobizny byłygo gwiazdora Okryntu KSP. Niszczono samochody, palono hasioki a policjo do zaprowadzenio porządku musiała użyć armatek wodnych i broni gładolufowyj! Warto zauważyć, że tym posunięciem Alba zapewniła sobie panowanie na Górnym Śląsku na nojbliższe pora lot. Trio Pełka, Paterek, Batorski + reszta wyrobników spokojnie powinno zapewnić noszymu rywalowi z Chorzowa awans a w niedalekiyj przyszłości Mistrza Polski! Jak spekulują zagraniczne media, Baton zrezygnowoł z maksymalnygo kontraktu i zadowolił się dwoma stówkami co 3 miesiące, co pozwoliło na oszczędności i zakontraktowanie Tomasza "MVP" Paterka, kery dodatkowo dostarczył sporo nowygo sprzętu. Ale to już sprawy Alby, w kere niy bydmy się zagłębiać aż do czasu Dupnych Derbów Ślunska, na kere czeko kożdy fanatyk cornyj koszykówy!

 
1 , 2 , 3 , 4 , 5 ... 15